كتير من الناس دلوقتي بيدوروا على سماعات AirPods علشان شكلها العصري وجودة الصوت العالية . لكن مع ارتفاع سعر السماعت دى انتشرت السماعات التقليد في السوق بشكل ضخم . لدرجة إنك ممكن تلاقي نفس الشكل تقريبًا وبسعر رخيص جدًا. وهنا السؤال : إزاي أفرق بين الـ AirPods الأصلية والتقليد ؟
في الموضوع ده والفيديو اسفل الموضوع هنعرضلك أهم الفروقات اللي لازم تاخد بالك منها قبل ما تشتري :
- التغليف والباكدچ :
- الأصلية بتيجي بعلبة متقنة جدًا في الطباعة والخامات.
- التقليد ممكن تلاقي الخط مش واضح أو العلبة خفيفة الجودة.
- الجودة والخامات :
الـ AirPods الأصلية خامتها ناعمة، أزرارها ثابتة ومافيش فراغات في التجميع.
التقليد بتحسها أرخص شوية، ومع الاستخدام الطويل ممكن تبوظ بسرعة.
- الاتصال بالآيفون أو أي جهاز :
- الأصلية أول ما تفتح العلبة بتظهر على طول Popup في الآيفون.
- التقليد ممكن تحتاج تعمل Connect يدوي أو تلاقي الـ Popup شكله غريب ومش أصلي.
- جودة الصوت والمايك :
- الأصلية بتديك صوت أنقى، عزل للضوضاء أفضل، ومايك ممتاز في المكالمات.
- التقليد الصوت ساعات بيبقى واطي أو مش مظبوط، والمايك بيجيب دوشة.
- البطارية :
- AirPods الأصلية بطاريتها بتعيش معاك ساعات طويلة قبل ما تحتاج تشحنها.
- التقليد عمرها قصير جدًا وممكن تلاقيها بتخلص بسرعة.
- السعر والضمان :
- لو لقيت السعر رخيص جدًا، يبقى 99% تقليد.
- الأصلية بيكون معاها ضمان وبتشتريها من موزع معتمد.
- الخلاصة :
الـ AirPods التقليد ممكن تبان شكلها زي الأصلية بالظبط لكن في الاستخدام هتحس بالفرق الكبير جدًا في الجودة، البطارية، وحتى راحة الأذن . علشان كده قبل ما تشتري لازم تكون عارف إزاي تفرق بينهم ومتخليش السعر الرخيص يغريك وتخسر فلوسك على منتج مش هيكمل معاك . نتمنى لكم الفائده دائما معنا .
لاتنسى الاشتراك فى قناتنا على يوتيوب وتفعيل جرس التنبيهات ليصلك المزيد ...
