مقارنه بين ريموت الريسيفر والتلفزيون الأصلي والتقليد ونصائح مهمة جدا قبل الشراء

النهاردة هنتكلم عن موضوع مهم جدا بيقابل ناس كتير وهو ريموت التلفزيون أو الريسيفر .. وإيه الفرق بين الريموت الأصلي والتقليد؟ وإزاي تختار الريموت الكويس اللي يعيش معاك أطول وقت ممكن .

- أولاً : ماهو الفرق بين الريموت الأصلي والتقليد :

الخامة والجودة :

الريموت الأصلي بيكون خامته بلاستيك متين وأزراره ناعمة وسهلة في الضغط ومش بتعلق بشكل سريع . لكن التقليد خامته ضعيفة والأزرار بتبوظ أو بتغرز بعد فترة قصيرة.

الإشارات وحساسية الاستقبال :

الريموت الأصلي بيبعت إشارة قوية وسريعة بمعني انك لما تضغط على زرار الجهاز بيستجيب بشكل فورى . إنما التقليد ممكن تلاقيه محتاج تضغط كذا مرة أو لازم تقربه جدًا من الجهاز علشان يشتغل.

العُمر الافتراضي للريموت :

الأصلي بيستحمل سنين طويلة إنما التقليد ممكن يبوز بعد شهور قليلة أو يقع منك ويتكسر بسهوله .

البرمجة والتوافق :

الريموت الأصلي معمول مخصوص للجهاز بتاعك يعني كل الأزرار شغالة بشكل سليم . إنما التقليد ساعات بيكون "يونيفرسال" يعنى مصنوع بشكل عالمى شويه وأزرار كتير فيه ملهاش لازمة أو مش متوافقة بنسبة 100% .

- ثانيا : إزاي تختار الريموت الكويس ؟

شوف الموديل :

دور الأول على ريموت أصلي خاص بالموديل بتاع التلفزيون أو الريسيفر بتاعك . ولو مش لاقي يبقى اختار يونيفرسال بس يكون من ماركة معروفة.

اختبر الأزرار :

قبل ما تشتري جرب الأزرار ولازم تكون ضغطة الزرار واضحة ومش تقيلة.

الخامة والتقفيل :

امسك الريموت في إيدك هتلاقى ان الريموت الأصلي بيبان من التقفيل المحترم مفيش فراغات أو بلاستيك رديء او زوائد بلاستيك .

المكان اللي بتشتري منه :

خلي بالك تشتري من محل موثوق أو توكيل عشان يديك ضمان ولو حصل مشكلة تعرف ترجعه.

يعنى في النهاية الفرق بين الريموت الأصلي والتقليد ممكن يبان صغير ولكن مع الاستخدام اليومي هتحس بالفرق جدًا. علشان كده حاول على قد ما تقدر تشترى الأصلي ولو هتجيب يونيفرسال لازم تختار ماركة معروفة. وبكده هتضمن إن الريموت يشتغل معاك من غير مشاكل ولسنين طويلة . نتمنى لكم الفائده دائما معنا .

✨ لشراء نفس الريموت الاصلى المذكور فى الفيديو او اصدار مختلف عنه ولكنه اصلى 100% يمكنك زيارة الرابط التالى :