الـ Super Glue أو ما يعرف علمياً بـ Cyanoacrylate مش مجرد لزق عادي. ده مادة كيميائية اتصنعت بالصدفة في الحرب العالمية التانية، لكنها بقت أهم أداة في درج أي بيت أو ورشة. ميزته الأساسية هي "السرعة" و"القوة الجبارة" في ثواني.
- أهمية السوبر جلو في حياتنا :
- الإصلاحات المنزلية : لزق البلاستيك والخشب والسيراميك والجلود.
- الإلكترونيات والـ DIY : مثالي جداً في تثبيت القطع الصغيرة أو تثبيت أسلاك معينة ( بحرص ) .
- الطوارئ : بيستخدم أحياناً في تثبيت قطع الديكور أو حتى في إصلاحات الأحذية السريعة.
- قوة تحمل عالية : رغم إنه سائل خفيف إلا إنه بيقدر يستحمل ضغط وأوزان كبيرة جداً بمجرد ما ينشف.
- إزاي تختار النوع المناسب ؟
مش كل "أمير" أو سوبر جلو زي التاني الاختيار بيعتمد على 3 حاجات :
- اللزوجة (Viscosity) :
- الخفيف (سائل جداً) : زي اللي في الصورة عندك ده ممتاز عشان يتغلغل في الشروخ الضيقة جداً وبيلزق لحظياً.
- التقيل (Gel) : ده أحسن لو هتلزق حاجة "رأسية" عشان ما يسيلش منك أو لو الخامة بتمتص السوائل زي الخشب.
- سرعة التصلب فيه أنواع "Fast Curing" : زي الـ CX-406) ) ودي بتنشف في أقل من 10 ثواني وأنواع تانية بتحتاج وقت أطول شوية.
- الخامة المراد لزقها : تأكد إن العبوة مكتوب عليها إنها مناسبة للبلاستيك المطاط، أو المعدن حسب احتياجك.
- نصائح ذهبية للاستخدام :
- السطح نظيف : لازم تنظف السطح من الزيوت أو التراب عشان اللزق يمسك صح.
- كمية قليلة : "كل ما قللت كل ما لزق أحسن" لان كتر السوبر جلو بيخليه ياخد وقت أطول عشان ينشف وبيضعف الرابطة.
- التخزين : بعد الاستخدام نظف الفوهة كويس واقفلها وشيله في مكان بارد وجاف (ممكن باب الثلاجة) عشان يعيش معاك سنة كاملة من غير ما ينشف ... نتمنى لكم الفائده دائما معنا .
- لمشاهدة فيديو تجربة لزق EPOBOND Cx-406 والفرق بينه وبين Cx-401 وهل يستحق لقب اللزق الخارق؟ على قناتنا على يوتيوب يمكنك مشاهدة الفيديو التالى :
